சின்னப்பயல்
அழகர் ஆற்றில்
இறங்கும் திருவிழாவில்
காலில் மூங்கில்
வைத்துக்கட்டியிருந்தவன்
மாதிரி என் நிழல்
நீஈஈஈளமாகத் தெரியும்
காலை வெய்யில்
என் கால்களுக்குள்ளேயே
விழுந்து கொள்ளும் என் நிழல்
கழுதை கூடப்பொதி
சுமக்காத மத்தியான வெய்யில்
எம்பிக்குதித்து கைநீட்டி எக்கினாலும்
பிடிக்க முடியாத மேற்கூரையை
எளிதில் தொட்டுவிடும் என் நிழல்
மஞ்சள் நிற மாலை வெய்யில்
வெய்யிலின் அருமை
நிழலில் தான் தெரிகிறது.