பைசால்
பிள்ளை பிறப்பதற்கான மாதம் நெருங்கிவிட்டது
அவளின் வயிற்றைப் பார்க்கின்றேன்
எனது கன்னத்தை படுத்துகின்றேன்
வயிற்றுக்குள் மகள்
தனியான ஒரு அறையில்
அவளின் முழு உருவத்தையும்
மிச்சமில்லாமல் காட்டும் கண்ணாடியில்
முகம் பார்க்கின்றாள்
நனைந்திருக்கும் தலை முடியை
தும்புத் தடியால் தட்டி உணத்துகின்றாள்
உடலில் இருக்கும் இரத்தத்தை துடைத்து
சிவப்பாகின்றாள்
இவள் பிறந்தால்
எனக்கு ஒன்பது பிள்ளைகள்
என்ற கணக்கு வைப்பேன்
என் மனைவியின் வயிற்றுக்குள்
என்ன அழகாக, அமைதியாக உறங்குகிறாள்
அவளது தூக்கத்தைக் கலைக்க
யாரும் நினைத்தால்
அவர்கள் தோற்றுவிடுவார்கள்