றியாஸ் குரானா
மண் தரையும் தண்ணீரும்
கடலுக்கு தேவைப்பட்டது
அங்கிருக்க
ஒரு மனிதன் தேவைப்பட்டது
சோகமாக இருக்கும்போதுதான்
அங்குவரவேண்டுமென
அவன் சொன்னான்
அதற்காக அவசரமாக
காதலில் தோற்க வேண்டும்
தோற்பதற்கு முதலில்
காதலிக்க வேண்டும்
ஒரு பெண்ணை தேடினான்
அதற்காக, பஸ் தரிப்பிடத்தில்
காத்திருக்கிறான்.
அதோ வருகிறாள்
வாழ்நாளில்,
தற்போதுதான் சந்திக்கும்
இந்தப் பெண்தான்
பல நாட்களுக்கு முன்
கடற்கரையில் சோகமாக
அமர்ந்திருக்க காரணம்.